BIEBEL IN DE TWENTSE SPROAKE -OT / 3

Oawerzat oet 't Hebreeuws deur Dr. Anne van der Meiden met hölp van ne begeleidingsgroep. Dit derde deel is fealijk ’n moal zo dik deel. Wiej hebt prebeerd oet ’t verhalend proza, ’t dichtweark, de beuke van wiesheid en oonderricht en de profeten de meest bekende beuke te halen. ’t Bint der 15 wörden, kleane en grote: Jozua (1-14; 21,43-24), Rechters, 1 en 2 Könninge, Job, Sprökke, ’t Hoogleed, Jesaja, Daniël (1-6), Joël, Obadja, Micha, Nahum, Habakuk en Sefanja. Van ’t Oale Testament bint now 25 beuke oawerzat, van de 39. Tehoop met ’t keplete Nieje Testament in ’t Twents der biej, dat bint 27 beuke, is now meer as dreekwart van de Biebel oawerzat. Wat der met de leste beuke van ’t Oale Testament gebeuren zal, is op dit mement nog nich dudelijk. De Stichting was veur tien joar van plan allenig ’t Nieje Testament oet te geaven, meer de vroag noar méér wörden stearker. ’t Mag wean dat ’t der nog nen moal van keump, nich bloots de 14 beuke dee now nog mankeert, meer ok de zogeneumde apocriefe beuke oawer te zetten.