EEN UITGEVERIJ VOL STREKEN!

winkelwagen

Je hebt 0 artikelen in je winkelwagen.

Vul uw e-mail adres in om onze nieuwsbrief te ontvangen:

Je bent hier:

WAT D'R ZO AL BIEJ MEKARE KUIERD WODT

ne grabbeltonne met zegswiezen en mopkes, biej mekare e-gad deur

Product Opties

J. Brens
1979
1
genaaid, zw/w ill.
56
90-70986-73-6
€5,75
D'n schriever van dit beuksken, Joop Brens, is op d'n 29-sten van de grosmaond jonk e-wodden in Eibarge. An de Grote-straote, in ut hoes dat steet naöst Hotel de Klok (too zat d'r Gruwel op). Van de gruppe, dee tusken dee beide buuze in zat, wodden too drok gebroek 'e-maakt, jao, daor stonnen too heel wat mansleu, want ut was karmse en den nach zongen ze aover de straote: 'En de Eibargse karmse geet nooit velaorne...'
Zien moo was juffrouw an de Bewaarschole en zien va, den onderdirekteur van ut melkfebriek was, hadde ok nog 'n biej-baatjen. Ne vezekeringe veur de boer'n, de 'Landbouw Onderlinge' en zo kwammen d'r völle boer'n an hoes umme, an't ande van 't jaor, de loon- staten te laoten invull'n. Zo leerne as kind al luk met de boer'n en eure zegswiezen umme te gaon. Met good 12 jaor ginke foto's maken en in d'n oorlog hadde ne filmklub, dee bie de boer'n op de delle vake veurstellingen gaf. Dat was gezellig. De beeste stonn'n op stal en de delle zat aovervol met leu, dee luk vetier zochten, want dat was d'r in dee duustere dage neet.
Twaalf jaor lank heffe bie d'n Plaatse-lukken Buro-Holder, Graads te Raa, e-zetten, en kwamnp daordeur dageluks met de boer'n an de praot.
Too isse de waald in e-trokken met beuke en no isse ambtenaar van de gemeente Grolle en in deens bie ut 'Sociaal Werkvoorzieningsschap Hameland', waor-te veur ut 'Rijks Archief' in Arum an genealogie dut en veur 'Le Sage ten Broek' in Nimwae-gen veur de blinden, beuke löt umme-etten in braille-schrif.
Jammer genog is d'r nog gin Achter-hooks bie in braille. Maor dat kump nog wal, want laat'n haver kump ok op.
Eigeluk heffe iedere tien jaor wat anders e-daone. Ende 1978 begonne met ut schrieven van smeukskes in ut Eibargse femilieblad 'Onze Gids', en dat dutte nog zo vedan.
Terug